शुक्रबार, कार्तिक १६, २०८१
आईएमई जनरल इन्स्योरेन्सको लाभांश पारित
- मङ्लबार, फाल्गुन २७, २०७६
आईएमई जनरल इन्स्योरेन्स (IGI) को साधारण सभाले प्रस्तावित लाभांश पारित गरेको छ । कम्पनीको फागुन २४ गते सम्पन्न बाइसौँ वार्षिक साधारण सभाले प्रस्तावित लाभांश पारित गरेको हो ।
कम्पनीको वार्षिक साधारण सभाले हाल कायम चुक्ता पूँजीको ६ प्रतिशत बोनस शेयर र सोको कर प्रयोजनार्थ ३२ लाख २२ हजार ९४७ रुपैयाँ नगद लाभांश वितरण गर्ने विशेष प्रस्ताव पारित गरेको हो ।
साधारण सभाले शेयर संरचना परिवर्तन गरी संस्थापक समूहको ६० प्रतिशत र सर्वसाधारणको ४० प्रतिशत कायम गर्न प्रबन्धपत्र संशोधन गर्ने प्रस्ताव पनि पारित गरेकाे छ । यस्तै आगामी ४ वर्षको लागि संस्थापक समूहबाट हेमराज ढकाल, अम्बिका प्रसाद पौडेल र सुरेश देवकोटा, सर्वसाधारण समूहबाट राजेन्द्र सिंह भण्डारी र सिताराम थापालाई सञ्चालक पदमा निर्विरोध निर्वाचित भएका छन् ।
चुक्ता पूँजी १ अर्ब २ करोड ६ लाख रुपैयाँ रहेको कम्पनीको बोनस शेयर वितरण पश्चात इन्स्योरेन्सको१ अर्ब ८ करोड १८ लाख रुपैयाँ पुग्नेछ ।
Facebook Comments
