सनराइज बैंकले क्युएफएक्स सिनेमासँग सहकार्य गरेर सन्राइज पपकन मानिया योजना ल्याएको छ । बैंकले शुक्रवार एक कार्यक्रमको आयोजना गरेर उक्त योजना सार्वजनिक गरेको हो ।

यो योजना तीन महिनासम्म संचालन हुने बैंकले जनाएको छ । योजना अवधिभर नेपालभरिका क्युएफएक्स सिनेमाघरमा कुनै पनि चलचित्रको टिकट खरिदमा प्रति टिकट एउटा पपकन निःशूल्क प्राप्त गर्ने बैंकले जनाएको छ । प्रति कारोबार अधिकतम पाँचवटासम्म निःशूल्क प्राप्त गर्न सकिने बैकले जनाएको छ ।

जसका लागि ग्राहकले टिकट खरिद बापतको रकम सनराइज बैंकका डेबिट वा क्रेडिट कार्ड प्रयोग गरी सो हलस्थित पिओएस टर्मिनल मार्फत भुक्तानी गर्नुपर्नेछ ।

उक्त योजनाको उद्धघाटन बैंकका कार्यकारी अधिकृत जनक शर्मा पौडेल र टिम क्वाइस्टको सिइओ रोशन अइदिगाले सयूक्त रुपमा गरेका हुन् ।

उद्धघाटन कार्यक्रममा डिपुटी जनरल म्यानेजर आरती राज्यलक्ष्मी राना, डिपुटी जनरल म्यानेजर रविन कुमार नेपाललगाएतको उपस्थिती रहेको थियो ।

बैंकले आफ्ना ग्राहकलाई मध्यनजर गर्दै नयाँ नयाँ योजना ल्याउने गरेको छ ।