सिटी एक्सप्रेसको ‘लखपति एक्सप्रेस २०७६ न यति न उति सिधै लखपति’ योजनाअन्तर्गत साउदी अरबको अरब नेशनल बैंक–टेलिमनी बाट पैसा पठाई जागेश्वर भुस्कुलिया यादवले १० लाख जितेका छन् ।

सिटी एक्सप्रेस कम्प्लेक्स भवनमा एक समारोह बीच सिटी एक्सप्रेसका प्रबन्ध निर्देशक चन्द्र टण्डनद्वारा सिस्ट्ममा आधारित लक्की ड्रमार्फत उक्त विजेता घोषणा गरिएको थियो । यस उपहार योजना अबधीभर हाल सम्म दैनिक उपहार योजना अन्तर्गत नौं सय जनाले दुई सयको मोबाइल टप अप, साप्ताहिक रुपमा १२  जना विजेताले १० हजार नगद र तीन जनाले एक लाख नगद प्राप्त गरिसकेका छन् ।

ती सबै उपहारहरु विद्युतीय लक्की ड्रमार्फत विजेता छनौट गरिएको थियो । सिटी एक्सप्रेसको ‘लखपति एक्सप्रेस २०७६ न यति न उति सिधै लखपति’ उपहार योजना अन्तर्गत लक्की ड्रमार्फत उपभोक्ताहरुले दैनिक दुईको मोबाइल टप अप १२ जनालाई, त्यसैगरी साप्ताहिक रुपमा १० हजार तीन जनालाई र हरेक महिना लक्की ड्रमा विजयी हुने एक जनाले एक लाख र अन्त्यमा एक जना भाग्यशाली विजेताले १० लाख बम्पर उपहार प्राप्त गर्ने प्रावधान राखिएको थियो ।

सिटी एक्सप्रेस मनि ट्रान्सफरले आफ्नो उपभोक्ताहरुका लागि दसैं, तिहार र छठलाई लक्षित गर्दै यस ‘लखपति एक्सप्रेस २०७६ न यति न उति सिधै लखपति’ योजनाको आयोजना गरेको थियो । यो योजना असोज १ गते देखि मंसिर ३० गते सम्म चलेको थियो । यो अवधिभर सिटी एक्सप्रेस मार्फत मनी ट्रान्सफर गर्ने सम्पूर्ण सेवाग्राही यो उपहार योजनामा सहभागी भएका थिए ।