नेपाल बंगालदेश बैंकले गत आर्थिक वर्षको नाफाबाट १२ प्रतिशत लाभांस दिने घोषणा गरेको छ।

शुक्रवार बसेको संचालक समितिको बैंठकले गत आर्थिक वर्ष २०७५/७६ को मुनाफाबाट ५ प्रतिशत बोनस शेयर र ७ प्रतिशत नगद लाभांस दिने प्रस्ताव गरेको हो।

यो प्रस्ताव नेपाल राष्ट्र बैंकबाट स्वीकृत भएपछि साधारणसभामा पेश गर्ने छ। बैंकले गतवर्ष भन्दा बढाएर लाभांस दिने भएको हो।बैंकको हालको चुक्ता पूँजी ८ अर्ब ८ करोड रुपैयाँ छ। यही पूँजीको ५ प्रतिशत अर्थात ४० करोड ४४ लाख रुपैयाँ बोनस शेयर पछि चुक्ता पूँजी ८ अर्ब ४९ करोड रुपैयाँ पुग्नेछ।

बैंकले गतवर्ष एक अर्ब ६१ करोड रुपैयाँ नाफा गरेको थियो। जस मध्ये लाभांस बाँड्न योग्य नाफा भने ९४ करोड ९६ लाख रुपैयाँ मात्रै थियो।

बैंकले विगतका वर्षमा दिएको लाभांस

आर्थिक वर्ष	बोनस शेयर	नगद लाभांस	जम्मा लाभांस
2075/2076	5	7	12
2074/2075	0	10.53	10.53
2073/2074	12	3.79	15.79
2072/2073	32	1.68	33.68
2071/2072	25	1.32	26.32
2070/2071	10	12	22
2069/2070	10	7.89	17.89

 

त्यस्तै सहयोगी विकास बैंकले गत वर्षको मुनाफाबाटै १९.०३ प्रतिशत नगद लाभांस दिने घोषणा गरेको छ। शनिवार बसेको सञ्चालक समितिले १९.०३ प्रतिशत नगद लाभांस दिने निर्णय नेपाल राष्ट्र बैंकमा पेश गर्ने गरि घोषणा गरेको हो।

राष्ट्र बैंकले स्वीकृति प्रदान गरेपछि मात्रै बैंकले साधारणसभाबाट पारित गर्नेछ।

बैंकले विगतका वर्षमा प्रदान गरेको लाभांस

आर्थिक वर्ष	बोनस शेयर	नगद लाभांस	जम्मा लाभांस
2074/2075	0	17	17
2073/2074	20	4.5	24.5
2072/2073	22	1.16	23.16
2071/2072	28	1.47	29.47
2070/2071	26	10	36
2069/2070	26	8.5	34.5