सनराइज बैंकले आफ्नो १२ औं वार्षिक उत्सवको अवसरमा संस्थागत सामाजिक उत्तरदायित्व अन्तर्गत देशका विभिन्न बृद्घ आश्रम तथा अनाथालयहरुमा सहयोग सामाग्री वितरण कार्यक्रम आयोजना गरेको छ । “Caring Humanity हामी संग संगै ” भन्ने नाराको साथ बैंकले कुपण्डोलको निजानन्द बृद्घ आश्रममा आर्थिक सहयोग प्रदान गरेको छ ।

सोहिदिन बैंकको तिनकुने, बिराटचोक, बर्दीवास, कोहलपुर, पनौती, बिरेन्द्रनगर, र अत्तरिया शाखाहरुबाट बृद्घ आश्रम तथा अनाथालयहरुमा सहयोग सामाग्री वितरण कार्यक्रम गरीएको छ ।

त्यसैगरी आश्विन १३ गते बैकले टंगाल स्थित बाल मन्दिर, बगर र धरान शाखाहरु बाट सहयोग सामाग्री वितरण गर्ने जनाएको छ , भने आश्विन १४ मा बानियाटार शाखाले सहयोग सामाग्री वितरण गर्ने योजना बताएको छ । बैंकले आश्विन महिनालाई १२ औं वार्षिक उत्सवपूर्ण महिनाको रुपमा मनाउन विभिन्न १२ विधामा देशभर कार्यक्रमहरु गर्दै जाने जनाएको छ ।