• होमपेज
  • समाचार
  • अब एटीएमबाट एक दिनमा ६० हजार रुपैयाँ मात्र

अब एटीएमबाट एक दिनमा ६० हजार रुपैयाँ मात्र

  • बिहीबार, भदौ १९, २०७६
अब एटीएमबाट एक दिनमा ६० हजार रुपैयाँ मात्र

एटिएम ह्याक प्रकरणको टुंगो नलाग्दै राष्ट्र बैंकले एटीएमबाट निकाल्न मिल्ने रकमको सीमा घटाएको छ । चीनबाट आएका केही चिनियाँ ह्याकरले नेपालका नाम चलेका वाणिज्य बैंकको एटीएम मेसिन मार्फत् करोडौं रुपैयाँ लुटेको घटनाको छिनोफानो नहुँदै राष्ट्र बैंकले एटीएमबाट निकाल्न मिल्ने रकमको सीमा घटाएको हो ।

राष्ट्र बैंकले एक सर्कुलर जारी गर्दै अब एटीएमबाट एक दिनमा ६० हजार रुपैयाँ र एक पटकमा २० हजार रुपैयाँमात्रै निकाल्न सकिने जानकारी दिएको हो । यसअघि एक दिनमा १ लाख रुपैयाँ र एक पटकमा २५ हजार रुपैयाँसम्म निकाल्न सकिन्थ्यो ।

नेपाल राष्ट्र बैंकको भुक्तानी प्रणाली विभागका कार्यकारी निर्देशक बमबहादुर मिश्रद्धारा हस्ताक्षर भएको निर्देशन अनुसार एटीएमबाट न्यूनतम ५०० रुपैयाँ मात्रै झिक्न मिल्छ ।

Facebook Comments

सम्बन्धित समाचार