ग्लोबल आइएमई बैंकले हाथवे फाइनान्स कम्पनीबीच मर्जर भई बुधबारदेखि एकीकृत कारोबार सुरु भएको छ।

धरान उपमहानगरपालिकाकी कार्यवाहक मेयर मञ्जु भण्डारी सुवेदीले एकीकृत वित्तीय कारोबारको औपचारिक शुभारम्भ गरेकी थिइन् ।
ग्लोबल आईएमइले हाथवेलाई मर्ज गरी एकिकृत कारोबार सुरु गरेसंगै अब हाथवेका सबै कारोबार ग्लोबल आईएमइबाटै हुनेछ ।

ग्लोबल आईएमई बैंकका अध्यक्ष चन्द्रप्रसाद ढकालले सरकार र राष्ट्र बैंकको बैंक तथा वित्तीय संस्थाहरुलाई मर्जर तथा एक्विजिशनका माध्यमबाट सबल र सक्षम वित्तीय संस्था बनाउने नीति अनुरुप हाथवे फाइनान्सलाई एक्विजिशन गरेको जानकारी दिए ।
कार्यक्रममा हाथवेका अध्यक्ष अम्बिका प्रसाद पौडेलले मर्जर पछि शेयर होल्डर तथा कर्मचारीले उचित सम्मान पाउने आफु विश्वस्त रहेको बताए ।
हाथवे मर्जर पछि ग्लोबलको चुक्ता पूँजी १० अर्ब ४३ करोड ६५ लाख रुपैयाँ पुगेको छ। यसका अतिरिक्त बैंकको शाखा सञ्जाल १४५, कूल निक्षेप १ खर्ब २७ अर्ब र कूल कर्जा १ खर्ब १९ अर्ब भन्दा बढी पुग्नेछ भने ग्राहक संख्या ११ लाख भन्दा बढी पुगेको छ।