पछिल्लो समय नेपालका वाणिज्य बैंकहरुमा नाफा कमाउने होडबाजी नै चलेको समयमा सिभिल बैंकको नाफा भने सन्तोजनक देखिएको छैन । ‘समृद्धिका लागि सिभिल बैंक’ सिभिल बैंकको नारा हो, तैपनि बैंकमा समृद्धि नै देखिएको छैन ।

देशको पछिल्लो पुस्ताको कान्छो बैंक मानिदै आएको सिभिल बैंकमा समृद्धि शब्द बैंकको नारामा मात्र सीमित देखिएको छ । वित्तीय विवरणमा भने छैन । बैंकले गत आर्थिक वर्षमा ७६ करोड रुपैयाँ नाफा गरेको छ । यो वाणिज्य बैंकहरुमा सबैभन्दा कम हो ।

पछिल्लो समय स्थापित भएको कान्छो बैंकको हैसियातले यसको वित्तिय विवरण भन्ने हो भने ठिकै मान्न सकिनछ । तर यस वर्ष नेपालमा राष्ट्रिय स्तरका २ विकास बैंकले समेत सिभिल बैंकलाई नाफामा पछाडी पारेका छन् भन्दा अचम्म लाग्छ सक्छ । तर यो सत्य हो ।

नेपालको राष्ट्रिय स्तरको विकास बैंकहरु मुक्तिनाथ विकास बैंकले ८२ करोड १९ लाख र महालक्ष्मी विकास बैंकले ८० करोड नाफा आफनो वित्तिय विवरण प्रकाशित गरी नाफामा वाणिज्य बैंक सिभिल बैंकलाई जितेको हो ।

यसो भन्दै गर्दा सिभिल बैंक लिमिटेडले ८५ दशमलव २० प्रतिशतले नाफा बढाउन सफल भएको छ । बैंकले गएको आर्थिक वर्षमा ६४.५० करोड खुद मुनाफा आर्जन गर्न सफल भएको हो । बैंकले आब ०७४।७५ को अडिट नभएको विवरण सार्वजनिक गर्दै यो अघिल्लो आर्थिक वर्षको तुलनामा ८५.२० प्रतिशतले बढी भएको जनाएको छ ।

यसैगरी बैंकको रिएल स्टेट कर्जा गत आ.व.को तुलनामा ३.३९ प्रतिशतले घटेर १ अर्व ४३ करोड भएको छ भने आवास कर्जा  ३१.७८ प्रतिशतले बृद्धि भएको छ । बैैंकले विदेशी विनिमय कारोबारबाट मात्रै १६.९१ करोड रुपैयाँ आम्दानी गरेको छ जुन गत वर्षको तुलनामा ७०.६७ प्रतिशतले बृद्धि भएको छ ।

बैंकले गत आ.व.को तुलनामा निक्षेपमा १६.८८ प्रतिशतले बृद्धि गरी ४० अर्ब १ करोड रुपैयाँ संकलन गरेको छ भने कर्जा प्रवाह अघिल्लो आ.व.को तुलनामा ३३.७१ प्रतिशतले बृद्धि गरी ३९ अर्ब ४६ करोड रुपैयाँ भएको छ । बैंकको खराब कर्जा अनुपात पनि ३.९८ प्रतिशतबाट घटेर २.६५ प्रतिशत भएको छ ।

बैंकले गत आ.व.को तुलनामा कर्जा प्रवाहमा गरेको बृद्धि रकम ९ अर्व ९४ करोड तथा खुद मुनाफामा गरेको बृद्धि रकम २९ करोड ६७ लाख रुपैयाँ छ । आ.व. २०७४/७५को मसान्तसम्म दुईलाख ५० हजारभन्दा बढी ग्राहक रहेको सिभिल बैंकको कुल शाखा संख्या ६८ पुगेकोे छ ।