खराब कर्जा भएको सिद्धार्थ विकास बैंकलाई सफल अवतरण गरेर जनता बैंकसंग मर्जर गराएका तत्कालीन सिद्धार्थ बैंकका सिइओ अजय मिश्र युनाइटेड फाइनान्स लिमिटेडको सीइओ बनेका छन् । पटक÷पटक विवादमा फसेको यस फाइनान्स कम्पनीलाई उनीले कसरी अगाडी लैजाने हुन् त्यो हेर्न बाँकी छ ।

तत्कालीन जनता बैंकको डेपुटी प्रमुख कार्यकारी रहेका मिश्रले स्वेच्छिक अवकाश लिएर बाहिरिएपछि युनाइटेडको ’फर्स्टम्यान’ को जिम्मेवारी पाएका हुन् ।

यसअघि युनाइटेडमा सुनन्दबहादुर श्रेष्ठ प्रमुख कार्यकारी अधिकृत थिए । मिश्र आउने भएपछि उनले राजिनामा गरेका हुन् । सिद्धार्थ डेभलपमेन्ट बैंकका प्रमुख कार्यकारी रहेका मिश्र जनता बैंकसँग मर्जरसँगै डेपुटी प्रमुख कार्यकारीमा भएर काम गरेका थिए ।

उनले प्रुडेन्सियल फाइनान्समा पनि प्रमुख कार्यकारी अधिकृत भएका थिए । त्यो फाइनान्स एनएमबी बैंकसँग मर्ज भएपछि उनी बाहिरिएका थिए । फरि उनी फाइनान्स कम्पनीमै फर्किएका छन् । उनको बैकिङ्ग अनुभवले युनाइटेड फाइनान्स कस्तो प्रगति गर्ने हो त्यो हेर्न अझै केही समय कुर्नै पर्दछ कि ?