एनआई सी एशिया बैंक लिमिटेडको ३७७ औं सञ्चालक समितिको बैठकले आर्थिक वर्ष २०७४÷०७५ को लागि प्रति शेयर रु.१० (१०%) शेयर लाभांश तथा उक्त शेयर लाभांशमा लाग्ने कर प्रयोजनको लागि प्रति शेयर रु.०.५२६ (०.५२६%) नगद लाभांश दिने निर्णय गरेको छ । उक्त लाभांश नेपाल राष्ट्र बैंकको स्वीकृती तथा बैंकको आगामी वार्षिक साधारण सभाबाट पारीत भए पश्चात मात्र शेयरधनीहरुलाई बितरण गरिने बैंकले बताएको छ ।

बैंकले आर्थिक वर्ष २०७४÷०७५ मा वार्षिक विन्दूगत आधारमा कर्जा तथा सापटीतर्फ रु. ४८ अर्ब (६७%) ले वृद्धि गरी रु. १२० अर्ब तथा निक्षेप तर्फ रु. ६४ अर्ब (७३%) ले वृद्धि गरी रु. १५२ अर्ब संकलन गरेको छ ।

त्यसैगरी चालु आर्थिक वर्ष २०७५÷०७६ को पहिलो त्रैमास सम्ममा कर्जा तथा सापटी तर्फ वार्षिक विन्दूगत आधारमा ५१ प्रतिशत (रु.५३ अर्ब) ले वृद्धि गरी रु १६३ अर्ब तथा कूल निक्षेप संकलनमा ५८ प्रतिशत (रु.५३ अर्ब) ले वृद्धि गरी रु. १६३ अर्ब गर्न सफल भएको छ । साथै, खूद मूनाफामा १७० प्रतिशत (रु.४७ करोड) ले वृद्धि गरी रु. ७५ करोड ५३ लाख आर्जन गरेको छ । बैंकको प्रति शेयर आम्दानी (EPS) रु.३६.७८ रहेको ५ ।