सूचना तथा सञ्चार प्रविधि मन्त्री गोकुल बाँस्कोटाले नेपाल दूरसञ्चार प्राधिकरणमा नव नियुक्त अध्यक्ष दिगम्बर झालाई पद तथा गोपनीयताको सपथ ग्रहण गराएका छन् । आइतबार सिंहदरबारस्थित सञ्चार मन्त्रालयको सभा हलमा सपथ ग्रहण गराएका थिए ।

मन्त्रीपरिषद्ले असार २० गते गत वर्षको भदौ १४ पछि भएका सबै राजनीतिक नियुक्त खारेज गरेको थियो । लामो समयदेखि प्राधिकरणमा अध्यक्ष विहिन भएपछि सरकारले नयाँ अध्यक्ष नियुक्तीका लागि सार्वजनिक सूचना प्रकाशन गरेको थियो उक्त सूचनामा १५ जनाले अध्यक्षपदका लागि आवेदन दिएका थिए ।

१५ जना आवेदनमध्ये मन्त्रालयले पर्वसचिव शुशिल घिमिरे, पुरोक्तम खनाल र दिगम्बर झाको नाम मन्त्रिपरिषदमा पठाएको थियो ।