एनएमबि बैंक लिमिटेडले चालू आर्थिक वर्षमा सात वटै प्रदेशमा प्रादेशिक कार्यालय विस्तार गर्ने योजना बनाएको छ । निजी स्तरबाट संचासिलत यस बैंकले हालसम्म कुनै क्षेत्रीय कार्यालय विस्तार गरेको छैन । यसपालीको मौद्रिक नीतिमा सबै बैंकले सातै प्रदेशमा प्रादेशि कार्यालय स्थापना गर्नुपर्ने व्यवस्था गरिएपछि एनएमबिले प्रादेशिक कार्यालय स्थापनालाई प्राथमिकतामा राख्ने भएको हो ।

एनएमबि बैंकका कुल ११० शाखा संचालनमा छन् । साथमा एटिएम ९६, एक्सटेन्सन काउन्टर ४ वटा र १३ शाखारहित बैंकिङ मार्फत आफ्ना ग्राहकहरुलाई सेवा प्रदान गरिरहेको छ । ७७ जिल्लामध्ये एनएमबि बैंकका शाखा सञ्जालले ४५ वटा जिल्लालाई कभर गरेका छन् । बाँकी ३२ जिल्लामा पनि विस्तारै आफ्नो पहुँच विस्तार गर्दै जाने योजना बैंकको छ ।

एक वर्षमा २८ शाखा थपिए
चालू आर्थिक वर्षका लागि शाखा विस्तारको योजना बनाइ नसकेको एनएमबि बैंकको गत आर्थिक वर्षमा भने २८ वटा शाखा थप गरेको छ । यसबाहेक, बैंकले ३० वटा एटिएम र ७ वटा शाखारहित बैंकिङ समेत संचालनमा ल्याएको छ ।

एनएमबी बैंकका ११० शाखामध्ये १८ वटा शाखा काठमाडौं उपत्यका भित्र छन् भने बाँकी ९२ वटा शाखा उपत्यका बाहिरका विभिन्न स्थानहरुमा रहेका छन् । बैंकको सबैभन्दा धेरै शाखा प्रदेश नं. ३ मा रहेका छन् । यहाँ एनएमबि बैंकका कुल २८ शाखा सञ्चालनमा छन् ।

प्रदेश नं. ६ मा सबैभन्दा कम तीन शाखा मात्रै सञ्चालनमा रहेका छन् । यसबाहेक, प्रदेश नं. १ मा २४ वटा, प्रदेश नं. २ मा १७ वटा शाखा, प्रदेश नं. ४ मा ७ वटा, प्रदेश नं. ५ मा २६ वटा र प्रदेश नं. ७ मा ७ वटा  सञ्चालनमा रहेका छन् । कुल ११० शाखामध्ये,  एनएमबि बैंकको सबैभन्दा बढी कारोबार प्रदेश नं. ३ अन्तर्गत पर्ने काठमाडौं जिल्लाको बबरमहल शाखाबाट भएको छ