सेञ्चुरी बैंक लिमिटेडका तत्कालीन डिपुटी प्रबन्धक गोकर्ण दुवाडीले कर्जा प्रवाह गरेवापत प्रत्येक ग्राहक (ऋणी)बाट कमिशन स्परूप १० प्रतिशत कमिशन लिई ५० लाखभन्दा बढी रकम ठगी गरेको भेटिएको छ ।

चितवनमा रहेको सेञ्चुरी बैंकका नायब प्रबन्धक दुवाडीले दर्जनौं कर्जाका ग्राहकबाट ५० लाखभन्दा बढी कमिशन लिई आफ्नै खातामा पैसा राख्न लगाएपछि उनलाई बैंकले कारबाही स्वरूप १ पद घटुवा र तलब वृद्धि रोक्का गरेपछि उनले बाध्य सो पदबाट राजीनामा दिएका थिए ।

नेपाल राष्ट्र बैंकको स्थलगत निरीक्षण टोलीले दुवाडीको कमिशन काण्ड फेला पारेपछि उनलाई तत्कालै कारबाही गर्न सेञ्चुरी बैंकलाई निर्देशन दिएको थियो । यसपछि बैंक सञ्चालक समितिले छानबिन समिति समेत बनाई छानबिन गरेर दुवाडीलाई एक पद घटुवा र तलब वृद्धि रोक्का गर्ने निर्णय गरेको थियो ।

यसको प्रतिक्रियास्वरूप उनले अहिले जिल्ला अदालत काठमाडौंमा जालसाजी मुद्दा र उच्च अदालत पाटनमा अर्को मुद्दा दायर गरी बैंकिङ कसुरबाट बच्ने नौलो उपायको खोजी गरिरहेको भेटिएको छ ।

समाचार स्रोतका अनुसार उनले चितवनको सेञ्चुरी बैंक शाखामा डिपुटी प्रबन्धक रहँदा नवीन अधिकारीबाट मिति वि.सं.२०७३/७/२३ मा रु २५,०००, त्रिचोलन कँडेलबाट मिति इ.सं. २०१६/०३/२७ मा रु ५०,०००, लक्ष्मण ज्ञवलीबाट मिति वि.सं. २०७३/०३/÷०६ मा रु १,००,०००, ओम प्रकाश भट्टराईबाट मिति इ.सं. २०१६/८/१५ मा रु ५,००,०००, युनाइटेड बेभरेजबाट मिति वि.सं. २०७३÷१०÷३ मा रु १०,००,०००, युनाइटेड बेभरेजबाट इ.सं. २०१७/१/३ मा रु १५,००,०००, नौलो पोल्ट्री फर्मबाट इ.सं. २०१५÷९÷१९ मा रु १५,००,००० यी लगायत दर्जनांै विभिन्न पटक कारोबार गर्दा व्यक्ति र कम्पनीहरूसँग ५० लाखभन्दा बढी कमिशन लिएका थिए ।

२०७४/०५/२२ गते बैंक सञ्चालक समितिको २४१ औं बैंठकले बैंकको तत्कालीन नायब प्रबन्धक गोकर्ण दुवाडी उपर बैंकको पदपूर्ति समितिले काराबाही गरेको थियो । त्यस उपर छानबिन गरी पुनरावेदन समितिले गरेको सिफारिसको आधारमा समेत छलफल भएको थियो ।

तत्कालीन अवस्थामा बैंकको आन्तरिक छानबिन समिति र आन्तरिक लेखा परीक्षणको प्रतिवेदन तथा नेपाल राष्ट्र बैंकको निर्देशन समेतलाई मध्यनजर गरेर निजको २ वर्ष तलब वृद्धि (ग्रेड) रोक्का गर्ने निर्णय भएको थियो । साथै निजलाई बहाल रहेको तहबाट एक तल्लो तहमा घटुवा गर्ने निर्णय सदर गर्ने भनी निर्णय गरेको थियो । सातै अन्य थप सजायबाट भने उन्मुक्ति दिने समेत निर्णय समितिले गरेको थियो ।

तत्कालीन बैंकको सीइओ नभएको अवस्थामा डिपुटी सीइओ मार्फत राजीनामा स्वीकृत भएपछि तत्कालीन डिपुटी प्रबन्धक दुवाडी बैंकिङ कसुरबाट बच्न अदालतमा बैंक विरुद्ध मुद्दा दायर गर्न पुगेका थिए । राजीनामा दिएसँगै सम्पर्कविहीन बनेका दुवाडीलाई बैंकको सम्पर्कमा नआएनन् । त्यसपछि सेञ्चुरी बैंकले सूचना प्रकाशित गरेपछि मात्र उनी सम्पर्कमा आएका थिए ।

नेपाल राष्ट्र बैंकले दुवाडीलाई तत्कालै बैंकिङ कसुरमा कारबाही गर्न र पदमुक्त गर्ने निर्देशन दिएपछि उनी भागेका थिए । पछि बैंकले बैकिङ कसुर नगर्ने, १ तह घटुवा र तलब वृद्धि रोक्का मात्र गर्ने निर्णय लिएपछि राजीनामा दिएका दुवाडी एकाएक बैंक र बैंक नेतृत्व विरुद्ध अदालत पुगे र मुद्दा दायर गरेका थिए । जनताको पैसामा घुमाउरो पारामा कर्जा प्रवाह गरी लाखौं कमिशन लिई ठगी गरेका दुवाडी अहिले माछापुच्छ«े बैंकमा सिनियर मेनेजर पदमा अन्तवार्ता पास गरी नियुक्ति पत्र लिने तयारीमा रहेको समेत भेटिएको छ ।

राष्ट्र बैंकले कारबाही गर्ने निर्देशन दिएका दुवाडीलाई किन र कसरी के कारणले माछापुच्छ«े बैंकले सिनियर मेनेजरमा लिँदैछ ? यो भने खोजीको विषय बनेको छ ।

जनताको लाखौं डिपोजिटलाई घुमाउरो पारामा कर्जा प्रवाह गरी ५० लाखभन्दा बढी कमिशन लिने, उल्टै बैंक र बैंक व्यवस्थापन टिम विरुद्ध मुद्दा दर्ता गरेका यी आर्थिक माफिया गोकर्ण दुवाडीले बैंकको गाडी चढी हिँडेको र बैंकले सुविधाका लागि दिएको घरमा अझै बसिरहेको भेटिएको छ ।

जनताको पैसाले किनेको गाडी र घर बैंकबाट राजीनामा दिएपछि र राजीनामा स्वीकृत भएपछि यी सुविधा लिन पाइँदैन । यो बैंकको नियमावली विपरीत पनि हो ।

तर उनले अझैसम्म पनि फिर्ता गरेका छैनन् । अब उनी विरुद्ध राष्ट्र बैंकको निर्देशनमा बैंकिङ कसुर अन्तर्गत सीआईबीलाई अनुसन्धान गर्न सेञ्चुरी बैंकले आग्रह गर्ने स्रोतको दाबी छ ।

राष्ट्र बैंकले कारबाही गर्नु भने पनि सेञ्चुरी बैंकले बैंकिङ कसुरमा नपठाई सानो कारबाही गरेपछि सो कारबाही फिर्ता लिने र आफूलाई पुरानै पदमा पुनर्वहाली गर्न बैंक र बैंक व्यवस्थापन टिमलाई दबाब दिँदै हिँडेका आर्थिक माफिया गोकर्ण दुवाडी अहिले बैंकले बैकिङ कसुरअन्तर्गत कारबाही गर्ने डरले अदालत पुगेको स्रोतको दाबी छ ।

बैंकले अझै उनी विरुद्ध बैकिङ कसुरअन्तर्गत मुद्दा चलाउने सम्भावना देखेपछि सो कार्य रोक्ने उद्देश्यले उनले अदालतमा विभिन्न खाले मुद्दा दर्ता गरेको भेटिएको छ । स्मरणीय रहोस्, बैंकद्धारा गठित छानबिन समिति र नेपाल राष्ट्र बैंक तथा बैंक सञ्चालक समितिले कारबाही गर्न दिएको निर्देशन अनुसार उनको राजीनामा डिपुटी सीइओबाट स्वीकृत भएको थियो ।

अहिले बजारमा आफूलाई अन्याय भएको र राजीनामा नै नक्कली हो भनी झुटो प्रचार गर्ने र बैंकलाई नै बदनाम गर्दै हिँडेका दुवाडी बैंकको जहाँ जहाँ शाखा प्रमुख भएर गए ती ठाउँमा कमिशनको खेल भएको बारे सेञ्चुरी बैंकले छानबिन फेरि सुरु गरेको स्रोतको दाबी छ ।राजतिलक साप्ताहिक