पत्रकार आचारसंहिता उल्लङ्घन गरी समाचार प्रकाशन÷प्रसारण गर्ने सञ्चार माध्यमविरुद्ध प्रेस काउन्सिल नेपालमा पर्ने उजुरीको सङ्ख्या क्रमिक रुपमा बढ्दै गएको छ । पत्रकारितामा पीत पत्रकारिता गर्नेहरुको भिड अहिले ह्वात्तै बढेको पाइन्छ ।

पत्रकार हुँ भन्दैमा भएको नभएको कुराहरुलाई समाचार बनाई आम स्रोताहरुलाई भ्रममा पार्नेहरुको पनि कमि छैन यहाँ । जसले गर्दा पत्रकार र सञ्चार माध्यामहरुमा आचारसंहिता उल्लङ्घन भएको भनी उजुरी गर्नेहरुको संख्या दिन दुई गुना रात चैगुना बढिरहेको छ ।

पत्रकारितामा मर्यादित, अनुशासित, जिम्मेवार एवम् उत्तरदायी पत्रकारिताका लागि प्रेस काउन्सिल नेपालले पत्रकार र सञ्चारमाध्यमलाई समय–समयमा घच्घच्याइरहेको छ । काउन्सिलले पत्रकार आचारसंहिता पालना सम्बन्धमा अनुगमन पनि गर्दै आइरहेको छ ।

छापा र विद्यूतीय आचारसंहिता अनुगमन शाखा संरचना खडा गरी अनुगमन गर्ने कार्य गर्दै आएको छ । पत्रकार आचारसंहिता उल्लङ्घनसम्बन्धी उजूरी र स्वअनुगमनबाट पत्ता लागेका आचारसंहिता उल्लङ्घनका विषयमा सुनुवाई र छानबीन गरी छलफल, बैठकसमेतबाट आवश्यक निर्णय लिन काउन्सिलका अध्यक्षकोे संयोजकत्वमा छापामाध्यम र विद्युतीय सञ्चारमाध्यम आचारसंहिता अनुगमन उपसमिति रहेको छ ।

छुट्टाछुट्टै उपसमितिमा नेपाल वार एशोसिएसनका प्रतिनिधिसमेत रहने व्यवस्था छ । पत्रकार आचारसंहिता–२०७३ अनुसार आचारसंहिता पालना नगरेको पाइएको अवस्थामा कारबाही र निर्णय गर्ने विभिन्न प्रक्रियाहरू रहेका छन् । आचारसंहिता पालनाका लागि काउन्सिलले पटक–पटक गरेको निर्णय वा निर्देशन अवज्ञा गर्ने सञ्चारमाध्यम पत्रकार आचारसंहिता–२०७३ को दफा ७ (ज) बमोजिम स्वतः अवज्ञाकारीको सूचीमा राख्ने गरेको छ ।

आचारसंहिताको दफा ७ (ज) मा अनुसार काउन्सिलको निर्णय वा निर्देशन अवज्ञा गर्ने पत्रकार वा सञ्चारमाध्यमप्रति खेद प्रकट गर्ने, अवज्ञाकारीको सूचीमा राख्ने र पटक–पटक गरिएका कारबाहीको विवरण तत्काल वा आवश्यकताअनुसार सार्वजनिक गर्ने ।’

यही प्रावधानअनुसार प्रेस काउन्सीलले २०७४ साल साउन १ गतेदेखि २०७५ जेठ ९ गतेसम्म देहायबमोजिमका २७ वटा सञ्चारमाध्यम स्वतः अवज्ञाकारीको सूचीमा राखेको छ जुन यस प्रकार छ । (प्रेस काउन्सीलको प्रेस विज्ञप्तीको जस्ताको जस्तै)