असक्षम नेतृत्व र बीमा समिति नबुझेकोे संचालक समितिका कारण ओरियण्टल इन्स्योरेन्स तहसनहसको अवस्थामा पुगेको छ । गत वर्षको यस अवधिको ठीक आधा मात्रै नाफा कमाएर ओरालो लागेको यो इन्स्योरेन्सभित्र दर्जनौं नक्कली दाबी बीमा भुक्तानी भएपछि नाफा घटेको फेला परेको छ ।

नक्कली दाबी बीमा भुक्तानीबारे बीमा समितिमा उजुरी परेपछि असक्षम नेतृत्व टिम र नालायक संचालक समितिको निन्द्रहराम भएको हो । उजुरी पछि वीमा समितिले ओरिएण्टल इन्स्योरेन्स माथी चर्को कारवाही गर्ने भएको छ ।
ओरिएण्टल इन्स्योरेन्स कम्पनी लिमिटेडले तेस्रो त्रैमासमा खुद नाफा ३८ दशमलव ७२ प्रतिशतले घटेर १२ करोड ५६ लाख रुपैयाँ पुगेको छ ।

अघिल्लो वर्षको सोहि अवधिमा मुनाफा २० करोड ४१ लाख रुपैयाँ पुगेको थियो ।ओरिएण्टल इन्स्योरेन्सले जगेडाकोषमा २ करोड ८७ लाख रुपैयाँ नोगेटिभमा र जीवन बीमाकोषमा ४९ करोड १२ लाख रुपैयाँ राखेको छ ।

आम्दानीमा २४ दशमलव २४ प्रतिशतले घटेर १७ करोड ५५ लाख रुपैयाँ पुगेको छ भने खर्च ८१ दशमलव ४८ प्रतिशतले बढेर ४ करोड ९९ लाख पुगेको छ । कम्पनीको खुद बीमा शुल्क ४८ करोड ७९ लाख रुपैयाँ आर्जन गरेको छ भने खुद दाबी नक्कली भुक्तानी ३७ करोड ३३ लाख रुपैयाँ गरेको छ ।

यहि अवधिमा कम्पनिले ६१ करोड ७२ लाख कुल बीमा शुल्क आर्जन गरेको छ भने ४३ करोड ४२ लाख रुपैयाँ कुल दाबी भुक्तानी गरेको छ । जसको बीमालेख संख्या ८ हजार २ सय ८८ वटा र दाबी भुक्तानी संख्या १ हजार २ सय ७१ वटा रहेको देखिन्छ ।