नेपाली बैंक र वित्तिय संस्थाहरुमा सञ्चालकहरुको दादागिरी चलेपछि बैंक व्यवस्थापन निरिह बन्दै गएको प्रस्ट छ । दर्जनौं बैंकका सिइओहरुले दबाब खप्न नसकेपछि पदबाटै राजीनामा दिए पनि अझै खास गरि वाणिज्य बैंकहरुमा सञ्चालक र अध्यक्षहरुको दादागिरी र हस्तक्षेप घटेको छैन ।

नेपाल राष्ट्र बैंकले एक पछि अर्को गर्दै सञ्चालक हुने निर्देशिका जारी गरेपनि कार्यान्वयन भएको पाइदैन । हालै राष्ट्र बैंकले स्नातकोत्तर उत्तीर्ण भएको र बैंकिङ, वित्तिय संस्था सम्बन्धी अनुभव संगालेकाले मात्रै बैंकको सञ्चालक हुन पाउने पछिल्लो निर्देशिका जारी गरेको छ । त्यसैबाट सयौं सञ्चालकको पद धरापमा पुगेको छ ।

अधिकांश बैंकमा एस.एल.सी फेल र बैंकिङ र वित्तय सम्बन्धी अनुभव नै नभएका सञ्चालक हुने र उनीहरुको बहुमतबाट अध्यक्ष चुनिने परम्परा छ । त्यही अध्यक्षको टिमले बैंक व्यवस्थापनमा कब्जा गरि बैंकको गार्ड राख्ने देखि अर्बैको कर्जा प्रवाह सम्म हस्तक्षेप गर्ने परम्परा छ । यसैको फलस्वरुप एपेक्स विकास बैंकमा २ अर्ब भन्दा बढी कर्जा दुरुपयोग भएको थियो

कुमारी बैंक, एनआईसी एशिया बैंक, ग्लोबल आइएमई बैंकमा गार्ड देखि कर्जा प्रवाह गर्ने काममा समेत अध्यक्ष र सञ्चालकहरुको सलग्नता देखिदै आएको छ ।

केही बैंकमा फिनाकल–१० ‘सफ्टवेयर’ खरिदमा अध्यक्ष र सञ्चालकहरुके सलग्नताबाटै भएको भेटिएको छ । यसले सञ्चाालकहरुलाई मोटो कमिशन समेत हात परेको छ । यी र यस्ता कार्यको अन्त्य हुनु बैंक र वित्तिय संस्थामा जरुरी देखिन्छ ।

सिभिल बैंक, सेञ्चुरी बैंक, एनआईसी एशिया बैंक, ग्लोबल आइएमई बैंक, बैंक अफ काठमाण्डू, नबिल बैंक भित्र सञ्चालकहरुको चर्को हस्तक्षेप बढेपछि राष्ट्र बैंकले नयाँ निर्देशिका जारी गरेको भेटिएको छ । यदि समयमै राष्ट्र बैंक अझै सचेत नभएमा जनताको डिपोजित माथि फूपूको श्राद्ध हुने निश्चित देखिन्छ । चेतना भया ।