ग्लोबल आइएमई बैंकले थप ३ शाखा रहित बैंकिङ सेवाको शुभारम्भ गरेको छ । बैंकले आइतबार सिराहा जिल्लाको अर्नमा गाँउपालिका वडा नं. १, महानौरमा आफ्नो ७५ औँ, धनुषा जिल्लाको पिपरा गाँउपालिका वडा नं. ६, रतौली बजारमा ७६औँ र सोही जिल्लाकै नगर्राइन गाँउपालिका वडा नं. ३, फुलगामामा ७७औँ शाखारहित बैंकिङ सेवा शुरु गरेको हो ।

सिराहा जिल्लाको महानौरमा खोलिएको शाखारहित बैंकिङ सेवाको लागि स्थानीय सिताराम महतो, धनुषा जिल्लाको रतौली बजारमा खोलिएको शाखारहित बैंकिङ सेवाको लागि स्थानीय सुरेन्द्रकुमार मण्डल र उक्त जिल्लाकै फुलगामामा खोलिएको शाखारहित बैंकिङ सेवाको लागि दीपेन्द्रप्रसाद शाहलाई व्यवसायीक प्रतिनिधि नियुक्त गरिएको बैंकले जनाएको छ ।

फुलगामामा खोलिएको शाखारहित बैंकिङ सेवा उद्घाटन समारोहमा त्यस क्षेत्रका बासिन्दामा वित्तीय साक्षरता जगाउने उद्देश्यले बैंकले ‘वित्तीय साक्षरता कार्यक्रम’ पनि आयेजना गरेको थियो ।

उक्त वित्तिय साक्षरता कार्यक्रममा ग्लोबल आइएमई बैंकका ‘तालिम तथा बैंक बिज्ञ पुर्णमान नापितले उक्त क्षेत्रमा बसोबास गर्ने विद्यार्थी, व्यापारी, सरकारी तथा गैह्र सरकारी कर्मचारी, आमा समूह तथा अन्य स्थानीय बासीहरुलाई बैंक तथा वित्तिय संस्थाको आवश्यकता र औचित्यका बारेमा बारेमा जानकारी गराएका थिए ।