काठमाडौँ,असोज २६ –

सविर श्रेष्ठको निर्देशनमा निर्माण भएको फिल्म ‘कहिँ कतै’को ट्रेलर रिलिज भएको छ । नोभेम्बर ६ मा भारतको पूर्वोत्तर राज्य सिक्किममा यो फिल्मको विश्व प्रिमियर हुँदैछ । फिल्मको नेपाल रिलिज डेट भने तय भएको छैन । ‘कहिँ कतै’ मा शिवानी गिरी, दिलिप रायमाझी, किशोर खतिवडा, सोनम बरफुङ्पा, उमा बेबी लगायतका कलाकारहरुको अभिनय छ ।

यो फिल्ममार्फत शिवानी र सोनम अभिनयमा डेब्यु भएका छन् । नेपाल र सिक्किममा छायांकन गरिएको फिल्मको ‘झ्वाइँया झान।।’ बोलको रोमान्टिक गीत हिट भैसकेको छ । फिल्ममा दिलिप रायमाझी, किशोर र उमा महत्वपूर्ण भूमिकामा छन् ।

बाबु श्रेष्ठको छायांकन, अर्जुन जिसीको सम्पादन, सचिन सिंह र लक्की सिटौलाको संगीत, निर्देशक श्रेष्ठकै लेखन समावेश छन् । डोमेनिक सेभियो डिसुजासँग मिलेर उमाले फिल्म निर्माण गरेकी हुन् ।