काठमाडौं, भदौं २२–

पछिल्लो समय नेपालमा सिक्वेल चलचित्र निर्माणले व्यापकता पाएको छ । पहिलो चलचित्र सफलता पाएपछि निर्माण युनिटले धमाधम सिक्वेल चलचित्र निर्माण गरिरहेका छन् । यसैक्रममा यसवर्षको हिट चलचित्र ‘म यस्तो गीत गाउँछु’ निर्माण टिमले सिक्वेल चलचित्रको रुपमा ‘म यस्तो गीत गाउँछु २’ निर्माण गर्ने घोषणा गरेको छ । निर्देशक सुदर्शन थापाले ‘म यस्तो गीत गाउँछु’को सिक्वेल बनाउने घोषणा गरेका हुन्।

आफ्नो जन्मदिनमा वुधबार बेलुकी केक काट्दै उनले सिक्वेल निर्माणको घोषणा गरे । यस चलचित्रमा ‘म यस्तो गीत गाउँछु’ कै कलाकार नायिका पूजा शर्मा र नायक पल शाहको मुख्य भूमिका रहनेछ । तर सिक्वेल चलचित्रमा भने नायक सलोन बस्नेत पनि मुख्य भूमिकामा रहनेछन् ।

चलचित्रको छायांकन माघ महिनाबाट सुरु हुने निर्देशक सुदर्शनले जानकारी दिए । यस्तै, उनले अब हरेक बर्ष २ वटा चलचित्र बनाउने समेत बताएका छन् । ‘म यस्तो गीत गाउँछु २’ पछि अर्को एक अनटाइटल प्रोेजेक्टमा पनि काम भैरहेको उनले बताए । यो चलचित्र भने डान्सको कथामा बन्नेछ ।