ओम डेभलपमेन्ट बैंक र महालक्ष्मी लाईफ इन्स्योरेन्सका बिचमा बीमा सेवा प्रदान गर्ने सम्बन्धमा सम्झौता भएको छ । महालक्ष्मी लाइफका बीमा सेवाहरु ओम डेभलपमेण्ट बैंकबाट उपलब्ध गराउने सम्बन्धमा सम्झौता भएको हो ।

सम्झौता अनुसार ओम डेभलपमेन्ट बैंकले देश भर रहेका ५३ वटा शाखाहरुबाट महालक्ष्मी लाईफ इन्स्योरेन्सका जीवन बीमा योजनाहरु बिक्री गर्नेछ । महालक्ष्मी लाईफ इन्स्योरेन्सले साबधिक बीमा योजना, डबल साबधिक बीमा योजना र लगानी फिर्ता बीमा योजना यस अघि नै सार्वजनिक गरिसकेको छ ।

यहि चैत मसान्त भित्रमा इन्स्योरेन्सले देशका २३ स्थानबाट सेवा दिने तयारी गरिरहेको विज्ञप्तिमा उल्लेख छ ।