नेपाल टेलिकमको प्रबन्ध निर्देशकमा डिल्ली अधिकारी नियुक्त भएका छन् । सरकारले खुल्ला प्रतिस्पर्धाबाट टेलिकममै कार्यरत अधिकारीलाई तीन वर्षको लागि नियुक्त गरेको हो ।

अन्तिम प्रतिस्पर्धामा रहेका पूर्वप्रबन्ध निर्देशक बुद्धि आचार्य र १० तहकै संगिता पहाडीलाई पछाडि पार्दै अधिकारी टेलिकमको नेतृत्वमा पुग्न सफल भएका हुन् ।

२०५९ सालमा टेलिकमा सातौं तहबाट प्रवेश गरेका अधिकारी २०६५ सालमा आठौं तह, २०७० सालमा नवौं र २०७५ भदौमा १०औं र पुसमा प्रबन्ध निर्देशकको पदमा नियुक्त भएका हुन् ।

१० जनाको आवेदन परेकोमा सञ्चार तथा सूचना प्रविधि मन्त्रालयका सचिव महेन्द्रमान गुरुङको नेतृत्वमा गठित छनोट समितिले ८ जनाको नाम छनोट गरेको थियो । तीमध्ये अन्तिम तीन जनाको नाम मन्त्रिपरिषद्मा सिफारिस गरेको थियो ।

११ जना प्रतिस्पर्दीबाट अन्तिम तीन जनामा छानिएका टेलिकमका ५४ नम्बरका प्रबन्धक दशौं तहबाट १५ अर्बको कम्पनीको प्रमुख बन्न सफल भएका छन् । चितवन निवासी अधिकारीलाई अन्य आफूभन्दा ५३ जना वरिष्ठ कर्मचारीलाई मिलाएर टेलिकम हाक्ने चुनौति पनि छ ।

प्रतिस्पर्धामा रहेका पूर्व प्रबन्ध निर्देशक बुद्धि आचार्य र संगिता अर्याललाई पछाडि पार्दै अधिकारी टेलिकमको प्रबन्ध निर्देशक भएका हुन ।

SHARE

तपाइको प्रतिक्रिया दिनुहोस्

कृपया आफ्नो टिप्पणी प्रष्ट गर्नुहोस्!
कृपया आफ्नो नाम यहाँ प्रष्ट गर्नुहोस्