गरिमा विकास बैंक लिमिटेडले आफ्नो स्थापनाको ११औं बर्ष पूरा गरी १२औं बर्षमा प्रवेश गरेको अवसरमा देशभरका ८ स्थानमा रक्तदान कार्यक्रम सम्पन्न भएको छ ।

शुक्रबार भएको उक्त कार्यक्रम केन्द्रीय कार्यालय, लाजिम्पाट, काठमाण्डौं, शाखा कार्यालयहरु महेन्द्रपुल पोखरा, बुटवल रुपन्देही, बेनी म्याग्दी, नारायणगढ चितवन, बिराटनगर मोरé, ईटहरी सुनसरी र घोराही दाéमा रक्तदान कार्यक्रम भएको हो ।

विभिन्न ८ स्थानमा भएको रक्तदान कार्यक्रमबाट ४३० युनिट रगत संकलन भएको जनाएको छ । यसै शिलसिलामा विकास वैंकको उद्गमस्थल स्याङजाको वालिङ शाखा कार्यालयमा सरसफाई कार्यक्रम गरेको छ ।

यसैगरि, शुक्रबार नै उक्त विकास वैंकले कास्की जिल्ला पोखरा महानगरपालिका अन्र्तगत वूद्घचोकमा आप्mनो शाखा कार्यालय स्थापना गरेको छ ।

कार्यालय उद्घाटन कार्यक्रममा नेपाल राष्ट्र बैंक पोखरा शाखाका निर्देशक पोमनाथ गौतमले गरेका थिए । विकास बैंकले आफ्नो बार्षिकोत्सवको अवसरमा प्रत्येक बर्ष विभिन्न सामाजिक उत्तरदायित्वमुलक कार्यक्रमहरु सम्पन्न गर्दै आईरहेको छ ।

राष्ट्रियस्तरको विकास बैंक मध्ये पर्ने गरिमा विकास बैंकको हाल काठमाण्डौंमा ८ वटा शाखा सहित देशभर ६६ शाखा र १५ वटा एटीएम संचालनमा छन ।

बैंकले छिट्टै नै पर्साको बीरगंज, चितवनको टांडी र मिलनचोक, दाङ्गको तुल्सीपुर, बांकेको कोहलपुर, कञ्चनपुरको महेन्द्रनगर, कास्कीको हेम्जा, नुवाकोटको बट्टार र लमजुङ्गको बेसीशहरमा शाखा कार्यालय खोल्ने घोषणा गरेको छ ।
हालसम्म बैंकले रु।२४ अर्ब ५० करोड निक्षेप संकलन गरी २२ अर्ब कर्जा लगानी गरेको छ ।