सेन्चुरी कमर्शियल बैंकले अघिल्लो आर्थिक बर्षको कमाइबाट वितरण गरेको ३८ लाख ३९ हजार कित्ता बोनश शेयर धितोपत्र बजारमा कारोबार गर्न मिल्ने गरी सुचिकृत गरीएको छ ।
बैंकले अघिल्लो वर्षको नाफाबाट शेयरधनीहरुलाई ५ प्रतिशत बोनस शेयर बितरण गर्ने निर्णय गरेको थियो ।
हाल सेन्चुरीको चुक्ता पुँजी ८ अर्ब ६ करोड रहेको छ । उसले गत आर्थिक बर्षमा ८७ करोड ८६ लाख खुद नाफा कमाएर प्रतिशेयर आम्दानी १० रुपैयाँ ८६ पैसा कायम गरेको थियो ।