मुक्तिनाथ विकास बैंक लिमिटेडले चालु आर्थिक वर्ष २०७५/७६ को पहिलो त्रैमासमा खुद मुनाफा २० करोड ३ लाख रुपैयाँ कमाउन सफल भएको छ, जुन गत वर्षको सोहि अवधिको तुलनाभन्दा ४८ दशमलव १४ प्रतिशतले बढी गरेको हो । बैंकले गत वर्षको सोहि अवधिमा मुनाफा १३ करोड ५४ लाख रुपैयाँ कमाएको थियो ।

२ अर्ब ५९ करोड १७ लाख रुपैयाँ चुक्ता पुँजी भएको मुक्तिनाथ विकास बैंकले जगेडा कोषमा १ अर्ब १४ करोड ८२ लाख रुपैयाँ छुट्याएको छ । बैंकले निक्षेपमा ३३ अर्ब २५ करोड ६९ लाख रुपैयाँ संकलन गरी कर्जामा कर्जामा २८ अर्ब ८५ करोड २ लाख रुपैयाँ लगानी गरेको छ ।

बैंकको खुद व्याज आम्दानी ६५ दशमलव ३६ प्रतिशतले बढेर ४२ करोड ५७ लाख रुपैयाँ पुगेको छ भने संचालन मुनाफा ५७ दशमलव ०७ प्रतिशतले वृद्धि गरी ३१ करोड १७ लाख रुपैयाँ पुगेको छ । बैंकको प्रोभिजनमा ५ करोड १५ लाख रुपैयाँ राखेको छ भने खराब कर्जा १० लाख रुपैयाँ उठाएको छ ।

बैंकको जोखिम युक्त सम्पति १३ दशमलव ७२ प्रतिशत रहेको छ भने निष्क्रिय कर्जा शून्य दशमलव ०२ प्रतिशत रहेको छ । बैंकको प्रतिशेयर आम्दानी ३० दशमलव ९३ रुपैयाँ (वार्षिक), मूल्य आम्दानीको अनुपात १२ दशलमव ८१ गुणा, प्रतिशेयर नेटवर्थ १ सय ४४ दशमलव ३१ रुपैयाँ र तरलता अनुपात २४ दशमलव ७० प्रतिशत रहेको छ ।