सरकार यतिसम्म गैरजिम्मेवार बनिरहेको छ कि यस किसिमको सरकारको आचरणले मुलुकलाई कुन अवस्थामा पुर्याउने हो यकिन भन्न सकिने अवस्था छैन । बहुमतको ढाडस देखाएर सरकारले जुन किसिमको कामहरू गरिहरेको छ, त्यसले अन्त्तोगत्वा मुलुकलाई झनै ठूलो संक्रमणकालमा लैजाने निश्चित जस्तै छ । ठूला सपना बाँडेर सत्तामा आइपुगेको सरकारले गरेका हरेक कामहरू आलोचनाका लागि मात्र योग्य रहेका छन् ।

यसै पनि राजनीतिज्ञको आदत भनेको सत्ता प्राप्तिका लागि परिवर्तनको कुरा गर्ने हो । जतिसुकै ठूलो परिवर्तनको कुरा गरे पनि राजनीतिज्ञको अन्तिम गन्तव्य भनेको सत्ता प्राप्ति नै हो । तर सत्ता प्राप्त हुँदै गर्दा जनताको उपस्थिती कहाँ छ भनेर यो यो सरकारले सोचेको पाइन्न । यसले मुलुकलाई कुन अवथामा पु¥याएर छाड्छ भनेर भन्न सकिने अवस्था नै छैन ।

विगत पाँच वर्षदेखि आफ्नो मरेको छोराको लागि अनसनमा बसिरहेकी छिन् गोर्खा फुजेलकी गंगामाया अधिकारी । अनसनकै क्रममा उनको श्रीमान्को निधान भयो । संसारमा यस्तो कुनै पनि मुलुक छैन होला कि जहाँ सरकारको लापरवाहीका कारण निर्दोष जनताको ज्यान जाओस् ।

भलै त्यस्तो अवस्था तानाशाही मुलुकहरूमा होलान् । अनसन नै बस्न नपाउने नियम पनि होला । तर लोकतान्त्रिक मुलुकको ढ्वाङ पिटेर हिँड्ने नेपालजस्तो मुलुकमा यस्तो किसिमको गैरजिम्मेवारपन हुनु दुःखको कुरा हो ।

गंगामायाको ज्यानको पर्वाह नगरी आफ्नो स्वार्थ सिद्धिका लागि मात्र काम गरिरहेको सरकारले यो बुझ्न जरुरी छ कि एकपटक मात्र सत्तामा पुग्नु पक्कै पनि नेकपाको यद्देश्य होइन होला । अर्कोपटक पनि चुनाव आउँछ भनेर सानो ख्याल नगनर््ु नै अबका आउने दिनमा नेकपाको सबैभन्दा ठूलो गल्ती हुनसक्छ । तर सत्ताको मातले उन्मत्त भएको यो सरकारको त्यतातिर ध्यान जाने केही पनि लक्षण देखिन्न ।

अनसनकारी कुनै चोकमा राखिएको सर्कसको जोकरजस्तो पनि होइन, जसलाई रमिता मात्र हेर्न सकियोस् । तर सरकारको कदमहरू योभन्दा बाहिर निस्कन सकेको छैन । अनसनकारी हठी हुन्छन् । उनीहरूलाई ज्यानको पर्वाह हुँदैन । तर यदि उनीहरूलाई यसरी नै अपहेलना गर्ने हो भने यमो सरकारको भविष्य पनि यही कार्यकालसम्म मात्र देखिन्छ ।

जनताको विश्वासलाई मिचेर, जनताको शक्तिसँग खेलबाड गर्ने जुन किसिमको दुस्साहस यो सरकारले गरिरहेको छ, त्यसले सरकारलाई आउने दिनमा ठूलो घाटा हुने निश्चित छ, वर्तमान सरकारले यो बुझ्न जरुरी छ । लोकतान्त्रिक मुलुकको उपहास गर्नु सरकारको ठूलो गल्ती हुनसक्छ । र जनताको अपेक्षामाथि शक्तिको तरबार मात्र खेलाउनु कुनै पनि मुलुकको सरकारका लागि सबैभन्दा ठूलो खतरा हुो । सरकारले यो बुुझ्नु पर्दछ । राजतिलक साप्ताहिक