काठमाडौं, भदौ २१ –

नेपाल टेलिकमले बुवाको मुख हेर्ने दिन तथा तीज पर्वको अवसरमा उपलब्ध गराएका विभिन्न अफरलाई निरन्तरता दिएको छ ।
यस अफरअन्तर्गत जीएसएम प्रिपेड तथा पोष्टपेड मोवाइलमा युट्युब डाटा प्याकेज र डिस्काउन्टेड भ्वाइस डाटा प्याकेज छन् । अफर योजनालाई असोज ४ गतेसम्म लिन सक्नेगरी निरन्तरता दिइएको टेलिकमले जनाएको छ ।

युट्युब डाटा प्याकेज अन्तर्गत एकसय रुपैयाँमा १ जिबी डाटा भोल्युम प्राप्त हुनेछ । यी प्याकेज २१ दिनसम्म प्रयोग गर्न सकिनेछ ।
यसैगरी ६० रुपैयाँमा ५ सय एमबी डाटा १४ दिनसम्म प्रयोग गर्न सकिनेछ । डिस्काउन्टेड भ्वाइस डाटा प्याकेज अन्तर्गत प्याक १५० र प्याक २५० उपलब्ध हुने टेलिकमले जनाएको छ । यस्तै प्याकेज १५० अन्तर्गत १५० रुपैयाँमा ६०० एमबी र प्याक २५० अन्तर्गत २५० रुपैयाँमा १ जिबी डाटा भोल्युम उपलब्ध हुनेछ । यी प्याकअन्तर्गतको स्किमबाट कम्पनीकै नेटवर्कमा कल वा एसएमएस गर्दा २० प्रतिशत छुटसमेत उपलब्ध हुनेछ ।

डाटा भोल्युम सकिए पनि कल वा एसएमएस गर्दा भने १४ दिन र २८ दिनको समयावधीसम्म नै २० प्रतिशत छुट प्राप्त हुने कम्पनीले जनाएको छ ।